बेलौरीमा प्रत्येक तीनमध्ये एक जनामा नसर्ने रोगको समस्या पुष्टि

कञ्चनपुरको बेलौरी नगरपालिकाका १० वटै वडामा सञ्चालन गरिएको स्वास्थ्य शिविरमा सहभागी प्रत्येक तीनमध्ये एक जनामा नसर्ने रोग देखिएको छ। परीक्षण गरिएका ३,३१६ जनामध्ये १,०१२ जनामा उच्च रक्तचाप, मोटोपना र मधुमेह जस्ता समस्या पुष्टि भएको हो। बदलिँदो जीवनशैली, असन्तुलित खानपान र शारीरिक व्यायामको कमीका कारण यस्ता बिरामीको सङ्ख्या बढेको स्वास्थ्य शाखाले जनाएको छ। नगरपालिकाको स्वास्थ्य शाखाले स्थानीयको स्वास्थ्य अवस्था पहिचान गर्न यो स्क्रिनिङ शिविर आयोजना गरेको थियो।