सिमखोलाको बाढीले बगाएका स्कुटर चालक चार दिनपछि मृत फेला

मकवानपुरको इन्द्रसरोवर गाउँपालिका-२ स्थित सिमखोलामा सोमबार आएको आकस्मिक बाढीले एक स्कुटर चालकलाई बगाएको छ। एसपी बोगटीका अनुसार बेपत्ता व्यक्तिको पहिचान र स्कुटरको नम्बर अझै खुल्न सकेको छैन। लगातारको वर्षापछि खोलामा आएको बाढीले चालकलाई बगाएपछि सुरक्षा निकायले खोजी कार्य तीव्र पारेको छ।

मकवानपुरको इन्द्रसरोवर गाउँपालिका-२ स्थित सिमखोलामा सोमबार आएको आकस्मिक बाढीले बगाएका स्कुटर चालक चार दिनपछि मृत फेला परेका छन्। कुलेखानी ड्याम नजिकै खोला तर्ने क्रममा स्कुटरसहित बगेका ती व्यक्तिको शव घटनास्थलबाट करिब २०० मिटर तल बगरमा पुरिएको अवस्थामा भेटिएको हो। अनुसन्धानका क्रममा उक्त स्कुटर सर्लाहीका महेश कुमार कार्कीको नाममा दर्ता रहेको खुलेको छ। सोमबारदेखि नै बेपत्ता रहेका उनको खोजीमा प्रहरी र स्थानीय टोली परिचालन गरिएको थियो।