काठमाडौँमा दुई करोडभन्दा बढीको अनलाइन सट्टेबाजी गरेको आरोपमा चार जना पक्राउ

काठमाडौँका विभिन्न स्थानबाट अनलाइन सट्टेबाजी र सामाजिक सञ्जालमार्फत यसको प्रचारप्रसारमा संलग्न रहेको आरोपमा प्रहरीले चार जनालाई पक्राउ गरेको छ। पक्राउ पर्नेहरूमा प्रत्युशमान सिंह, गौतमकुमार गुप्ता, सवनम बानियाँ र सुधन सुवेदी रहेका छन्। जिल्ला प्रहरी परिसर काठमाडौँका अनुसार उनीहरूले दुई करोड रुपैयाँभन्दा बढीको अवैध अनलाइन कारोबार गरेको प्रारम्भिक अनुसन्धानबाट खुलेको छ।