सुनसरीमा विद्युत् प्राधिकरणको गाडी दुर्घटना हुँदा दुई जनाको मृत्यु

सुनसरीको इटहरी उपमहानगरपालिका-२० नजिकै नेपाल विद्युत् प्राधिकरण धरान कार्यालयको भ्यान दुर्घटना हुँदा दुई जनाको मृत्यु भएको छ भने एक जना घाइते भएका छन्। धरान-इटहरी कोशी लोकमार्गमा बा १ ञ १६५१ नम्बरको भ्यान अनियन्त्रित भई दुर्घटना भएको हो। मृत्यु हुनेमा चालक बिर्खबहादुर राई र सुमन आचार्य रहेका छन्। घाइतेको बीपी कोइराला स्वास्थ्य विज्ञान प्रतिष्ठानमा उपचार भइरहेको छ।