विद्यालयमा आइतबारको बिदा खारेज गर्न महासङ्घको माग

सामुदायिक विद्यालय व्यवस्थापन समिति महासङ्घ नेपालले विद्यालयमा आइतबार बिदा दिने सरकारको निर्णयमा पुनःविचार गर्न आग्रह गरेको छ। काठमाडौंमा आयोजित पत्रकार सम्मेलनमा महासङ्घका अध्यक्ष काशीनाथ दङ्गालले आइतबारको बिदाले वार्षिक पाठ्यभार पूरा गर्न कठिन हुने र विद्यार्थीको सिकाइ उपलब्धिमा असर पर्ने बताउनुभयो। महासङ्घले शैक्षिक गुणस्तर कायम राख्न हप्ताको छ दिन नै विद्यालय सञ्चालन गर्न माग गरेको छ।