इलामका सडकको दुरावस्थाप्रति सचेतक निष्कल राईद्वारा सरकारको ध्यानाकर्षण

नेपाली कांग्रेसका सचेतक निष्कल राईले इलामको मेची राजमार्ग र अन्य वैकल्पिक सडकखण्डको दयनीय अवस्थाप्रति सरकारको ध्यानाकर्षण गराउनुभएको छ। बुधबार प्रतिनिधि सभाको बैठकमा बोल्दै सांसद राईले पूर्वाधारको अभावमा इलामका नागरिकले ठूलो सास्ती भोग्नुपरेको बताउनुभयो। 'हरित नगरी' का रूपमा चिनिने इलाम अहिले सडकको दुरावस्थाका कारण हिलोमय भएको उहाँको टिप्पणी थियो।