मिटरब्याज पीडित र सरकारबीच लिखित सम्झौताको तयारी

सरकारद्वारा गठित वार्ता टोली र मिटरब्याज पीडितका प्रतिनिधिबिच बिहीबार साँझ सिंहदरबारमा पहिलो चरणको वार्ता सम्पन्न भएको छ। जनकपुरबाट पैदल यात्रा सुरु गरेका पीडितहरू बाराको निजगढ आइपुगेपछि सरकारसँग वार्ता गर्न सहमत भई हवाई मार्गबाट काठमाडौँ आएका हुन्। बिहीबारको छलफल सकारात्मक रहेको र शुक्रबार बिहान पुनः निर्णायक वार्ता हुने तय भएको छ।

आन्दोलनरत मिटरब्याज पीडित पक्ष र सरकारी वार्ता टोलीबीच सिंहदरबारमा निर्णायक वार्ता भइरहेको छ। यसअघि सिमरामा भएको मौखिक सहमतिलाई औपचारिकता दिन आज प्रधानमन्त्री तथा मन्त्रिपरिषद्को कार्यालयमा लिखित सम्झौता गर्ने तयारी गरिएको छ। जनकपुरबाट पैदल यात्रा सुरु गरेका पीडितहरू बाराको निजगढबाट हवाई मार्ग हुँदै काठमाडौँ आइपुगेका हुन्। दुवै पक्षबीच आजै सम्झौता पत्रमा हस्ताक्षर हुने अपेक्षा गरिएको छ।