चितवन राष्ट्रिय निकुञ्जमा एक वर्षमा २२ वटा गैँडा मरे

गत आर्थिक वर्षमा चितवन राष्ट्रिय निकुञ्ज र यसको मध्यवर्ती क्षेत्रमा गरी २२ वटा गैँडा मरेका छन्। निकुञ्ज अधिकारीहरूका अनुसार अधिकांश गैँडा प्राकृतिक कारणले मरेका हुन् भने केहीको मृत्यु बाघको आक्रमण र डुबेर भएको हो। यस क्षेत्रमा दुर्लभ वन्यजन्तु संरक्षणका प्रयासहरू जारी रहे पनि गैँडाको मृत्युदरप्रति संरक्षणविद्हरूले चिन्ता व्यक्त गरेका छन्।