म्याग्दीको फापरखेत पहिरो नियन्त्रणका लागि मन्त्री महावीर पुनको प्रतिबद्धता

विज्ञान, प्रविधि तथा नवप्रवर्तनमन्त्री महावीर पुनले म्याग्दीको बेनी–दरबाङ सडकखण्ड अन्तर्गत फापरखेतमा हुने पहिरो नियन्त्रणका लागि प्रतिबद्धता जनाउनुभएको छ। शनिबार आफ्नो निर्वाचन क्षेत्रको निरीक्षणका क्रममा उहाँले चालु आर्थिक वर्षमा सङ्घीय सरकारबाट यस कार्यका लागि चार करोड रुपैयाँ विनियोजन भइसकेको जानकारी दिनुभयो। विगत ३० वर्षदेखि समस्याको रूपमा रहेको यो पहिरोलाई एक वर्षभित्र नियन्त्रण गरिने मन्त्री पुनले बताउनुभयो।