बाढीको जोखिम न्यूनीकरणका लागि रौतहटमा बागमती नदीको तटबन्ध अनुगमन

मनसुन सुरु भएसँगै सम्भावित बाढीको जोखिम न्यूनीकरण गर्न रौतहटमा बागमती नदीको पूर्वी तटबन्धको अनुगमन गरिएको छ। प्रमुख जिल्ला अधिकारी दिनेश सागर भुसालसहित नेपाली सेना, नेपाल प्रहरी र सशस्त्र प्रहरी बलको टोलीले जोखिमयुक्त स्थानहरूको निरीक्षण गरेको हो। गौर र आसपासका दर्जनौं गाउँलाई डुबानबाट जोगाउन जोखिमपूर्ण क्षेत्रमा तत्काल मर्मत गर्ने निर्णय गरिएको छ। यस तयारीमा सिँचाइ तथा जलस्रोत व्यवस्थापन आयोजनाको पनि सहभागिता रहेको छ।