चितवन राष्ट्रिय निकुञ्जमा शिकारको प्रयास गर्ने दुई जनाविरुद्ध मुद्दा दर्ता

चितवन राष्ट्रिय निकुञ्जमा एकसिङ्गे गैंडाको शिकार गर्ने उद्देश्यले हतियारसहित प्रवेश गरेका दुई जनाविरुद्ध मुद्दा दर्ता गरिएको छ। निकुञ्जका कर्मचारी र सुरक्षार्थ खटिएको नयाँ गोरख गणको संयुक्त टोलीले सञ्चालन गरेको ‘कोभर्ट अपरेसन’का क्रममा उनीहरूलाई नियन्त्रणमा लिइएको थियो। नवलपुरको मध्यविन्दु नगरपालिका क्षेत्रबाट उनीहरूको साथबाट बन्दुक र गोली समेत बरामद गरिएको छ। दुर्लभ वन्यजन्तुको सुरक्षाका लागि निकुञ्ज कार्यालयले उनीहरूमाथि कानुनी कारबाही अगाडि बढाएको हो।