काठमाडौं–तराई द्रुतमार्ग निर्माणमा भएको ढिलाइप्रति राष्ट्रियसभा सदस्यहरूको असन्तुष्टि

काठमाडौं–तराई द्रुतमार्ग निर्माणमा भइरहेको ढिलाइप्रति राष्ट्रियसभा सदस्यहरूले सोमबार बसेको सार्वजनिक नीति तथा प्रत्यायोजित विधायन समितिको बैठकमा असन्तुष्टि जनाएका छन्। मधेश र बागमती प्रदेशका जिल्लाहरूमा गरिएको अनुगमनको समीक्षा गर्दै सांसदहरूले निर्माण कार्य निकै सुस्त भएको र आगामी चार वर्षमा पनि सम्पन्न हुन नसक्ने बताए। सिंहदरबारमा भएको उक्त छलफलमा राष्ट्रिय गौरवको यस आयोजनालाई तीव्रता दिनुपर्नेमा जोड दिइएको छ।