भीपी अग्रवाल साइन्स फाउन्डेसनद्वारा सामुदायिक विद्यालयका पाँच शिक्षक पुरस्कृत

भीपी अग्रवाल साइन्स फाउन्डेसनले देशभरका सामुदायिक विद्यालयमा कार्यरत पाँच उत्कृष्ट शिक्षकहरूलाई पुरस्कृत गरेको छ। काठमाडौँमा आयोजित एक विशेष समारोहमा नेपाली, अंग्रेजी, गणित, सामाजिक अध्ययन र विज्ञान विषयका शिक्षकहरूलाई जनही २ लाख २२ हजार २२२ रुपैयाँ नगद र सम्मानपत्र प्रदान गरियो। शिक्षासेवी तथा संविधानसभा सदस्य स्वर्गीय प्रा.डा. भीपी अग्रवालको स्मृतिमा स्थापित यस फाउन्डेसनले शिक्षकहरूको योगदानको कदर गर्दै यो पुरस्कार वितरण गरेको हो।