नेपाली कांग्रेसले समाजमा आफ्नो नैतिक अधिकार र पहिचान पुनःस्थापित गर्नुपर्छ: गगन थापा

नेपाली कांग्रेसका महामन्त्री गगन थापाले पार्टीले समाजमा आफ्नो गुम्दै गएको नैतिक अधिकार र पहिचानलाई पुनःस्थापित गर्नुपर्नेमा जोड दिएका छन्। काठमाडौंमा आयोजित एक पुस्तक विमोचन कार्यक्रममा बोल्दै थापाले विगत १० वर्ष सत्ता र शक्तिको पछि लागेर समय खेर फालेको टिप्पणी गर्दै अब जनतामाझ जानुपर्ने बताए। उनले कांग्रेस नेता गुरुराज घिमिरेद्वारा लिखित 'बुद्ध, बीपी र आजका नेता' तथा 'लिलिपुटका लघुमानव' नामक पुस्तकहरू सार्वजनिक गरेका थिए। थापाले राजनीतिक पात्रहरूका बारेमा छलफल हुनु सामान्य भए पनि आजको मुख्य आवश्यकता वर्तमानका चुनौतीहरू सामना गर्नु रहेको उल्लेख गरे।