ललितपुरको नख्खुबाट ठूलो परिमाणमा लागुऔषधसहित एक जना पक्राउ

ललितपुरको नख्खु क्षेत्रबाट प्रहरीले ठूलो परिमाणमा लागुऔषधसहित एक जनालाई पक्राउ गरेको छ। जिल्ला प्रहरी परिसर ललितपुरले नख्खु फूलबारी मार्गबाट २८ वर्षीय तीर्थ बहादुर ठोकरलाई २ किलो ७९३ ग्राम 'पोल्याड' नामक लागुऔषधसहित नियन्त्रणमा लिएको हो। मकवानपुरको इन्द्रसरोवर गाउँपालिका घर भई हाल ललितपुर महानगरपालिका-२५ मा बस्दै आएका ठोकरमाथि थप अनुसन्धान भइरहेको छ।