माइतीघर डुबानको कारणसहित प्रतिवेदन बुझाउन कार्यवाहक प्रमुख सुनिता डंगोलको निर्देशन

काठमाडौँ महानगरपालिकाकी कार्यवाहक प्रमुख सुनिता डंगोलले माइतीघर क्षेत्रमा भएको डुबानको प्राविधिक कारणसहित प्रतिवेदन पेश गर्न निर्देशन दिनुभएको छ। मंगलबार साँझ डुबान क्षेत्रको अनुगमन गर्दै उहाँले साझेदार निकायहरूलाई समस्याको पहिचान र समाधानका उपाय सुझाउन आग्रह गर्नुभयो। यस निर्देशनमा विपद् जोखिम न्यूनीकरण तथा व्यवस्थापन प्राधिकरण, काठमाडौँ उपत्यका खानेपानी लिमिटेड र डिभिजन सडक कार्यालय काठमाडौँका अधिकारीहरू संलग्न रहेका छन्।