प्रेस स्वतन्त्रतामाथि सरकारी हस्तक्षेपको विरोधमा साउन ९ गते माइतीघरमा प्रदर्शन हुने

नेपाल पत्रकार महासंघ उपत्यका प्रदेश समिति तथा काठमाडौँ, ललितपुर र भक्तपुर शाखाले सरकारको प्रेस विरोधी नीतिको विरुद्धमा आन्दोलनको घोषणा गरेका छन्। सरकारले प्रेस तथा अभिव्यक्ति स्वतन्त्रता र नागरिक अधिकारमाथि हस्तक्षेप गरेको आरोप लगाउँदै साउन ९ गते काठमाडौँको माइतीघर मण्डलामा बृहत् विरोध प्रदर्शन गरिने भएको छ। महासंघका तीनवटै शाखाले संयुक्त विज्ञप्ति जारी गर्दै सरकारी कदमप्रति गम्भीर आपत्ति जनाएका हुन्।