भारत हुँदै नेपाल छिर्ने शरणार्थीको संख्या बढेको आईजीपी कार्कीको भनाइ

प्रहरी महानिरीक्षक वसन्त बहादुर कार्कीले पाकिस्तान र सोमालियाका शरणार्थीहरू भारतीय सीमा हुँदै नेपाल प्रवेश गर्ने क्रम बढेको बताउनुभएको छ। सुरक्षा ब्रिफिङका क्रममा उहाँले रोहिंग्याहरू पनि अवैध रूपमा नेपाल भित्रिरहेको जानकारी दिनुभयो। यसरी विदेशी नागरिकहरू अनधिकृत रूपमा प्रवेश गर्दा राष्ट्रिय सुरक्षा र सीमा व्यवस्थापनमा चुनौती थपिएको प्रहरी प्रमुखको भनाइ छ। बढ्दो घुसपैठलाई दृष्टिगत गर्दै सुरक्षा निकायले निगरानी बढाएको छ।