नेपालका प्रधानन्यायाधीशसहित पाँच देशका न्यायाधीशलाई भारतीय सर्वोच्च अदालतमा स्वागत

भारतको सर्वोच्च अदालतले नेपालका प्रधानन्यायाधीश डा. मनोजकुमार शर्मासहित पाँच देशका वरिष्ठ न्यायाधीशहरूको प्रतिनिधिमण्डललाई शुक्रबार औपचारिक स्वागत गरेको छ। भारतीय प्रधानन्यायाधीश सूर्य कान्तले नयाँ दिल्लीस्थित सर्वोच्च अदालतको मुख्य इजलासमा पाहुनाहरूको परिचय गराउनुभएको थियो। संयुक्त राष्ट्रसंघीय अन्तर्राष्ट्रिय व्यापार कानून आयोगको ६०औं वार्षिकोत्सवका अवसरमा आयोजित कार्यक्रममा सहभागी हुन नेपाल, बेलायत, भुटान, ब्राजिल र केन्याका न्यायाधीशहरू भारत पुग्नुभएको हो।