नेपाली कांग्रेसको नीति प्रतिष्ठानद्वारा केन्द्रीय पदाधिकारी र सदस्यहरूलाई जिम्मेवारी बाँडफाँट

नेपाली कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानले विभिन्न उपसमितिहरूको कार्यलाई प्रभावकारी बनाउन केन्द्रीय पदाधिकारी र सदस्यहरूलाई जिम्मेवारी बाँडफाँट गरेको छ। पार्टी उपसभापति एवं प्रतिष्ठानका प्रमुख विश्वप्रकाश शर्माको अध्यक्षतामा बसेको बैठकले उक्त निर्णय गरेको हो। बैठकले मानसिक स्वास्थ्य सचेतना अभियान उपसमितिको संयोजकमा मोहना अन्सारी र आदिवासी जनजाति सम्वाद, समन्वय र सशक्तीकरण उपसमितिको संयोजकमा रेशम गुरुङलाई जिम्मेवारी तोकेको छ।