तारकेश्वरमा कारभित्र मृत भेटिएकी रश्मी रिजालले आत्मदाह गरेको प्रहरीको निष्कर्ष

काठमाडौँको तारकेश्वर नगरपालिका–१ मा कारभित्र जलेको अवस्थामा मृत फेला परेकी ४५ वर्षीया रश्मी रिजालले आत्मदाह गरेको प्रहरीको प्रारम्भिक अनुसन्धानले देखाएको छ। सानिमा क्यापिटल लिमिटेडकी मर्चेन्ट हेडका रूपमा कार्यरत रिजाल साउन ८ गतेदेखि मनमैजुस्थित आफ्नो घरबाट बेपत्ता भएकी थिइन्। जिल्ला प्रहरी परिसर काठमाडौँका एसपी पवन भट्टराईका अनुसार शनिबार मध्यान्ह उनको शव फेला परेको थियो।