बेबी पाउडरसम्बन्धी मुद्दा सल्ट्याउन जोनसन एन्ड जोनसनद्वारा ५.५ अर्ब डलरको प्रस्ताव

अमेरिकी औषधि उत्पादक कम्पनी जोनसन एन्ड जोनसनले आफ्नो बेबी पाउडर र टाल्कयुक्त उत्पादनका कारण डिम्बाशयको क्यान्सर भएको आरोपमा दायर हजारौँ मुद्दा टुङ्ग्याउन ५.५ अर्ब डलर तिर्ने प्रस्ताव गरेको छ। न्युजर्सीस्थित यस कम्पनीले करिब ६९ हजार कानुनी दाबीहरूलाई सम्बोधन गर्न यो कदम चालेको हो। कम्पनीले यी आरोपहरूको खण्डन गर्दै आए तापनि वर्षौँदेखि जारी कानुनी विवाद अन्त्य गर्न यस्तो प्रस्ताव अघि सारेको हो।