राष्ट्रिय आविष्कार केन्द्रद्वारा खजुरा क्यान्सर अस्पतालका ४४ उपकरण मर्मत

बाँकेको खजुरास्थित सुशील कोइराला प्रखर क्यान्सर अस्पतालमा लामो समयदेखि बिग्रिएर थन्किएका ४४ वटा स्वास्थ्य उपकरणहरू मर्मत गरिएको छ। राष्ट्रिय आविष्कार केन्द्रका प्राविधिक टोलीले एक साता लगाएर ती उपकरणहरू पुनः सञ्चालनमा ल्याएका हुन्। आविष्कार केन्द्रका संस्थापक एवं विज्ञान, प्रविधि तथा नवप्रवर्तन मन्त्री महाविर पुनले मर्मतपछि अस्पतालको सेवा प्रवाहमा सहज हुने जानकारी दिनुभयो। यस कार्यले थन्किएका मेसिनहरूलाई पुनः प्रयोगयोग्य बनाएको छ।