सामुदायिक वनमा आधारित उद्यम र हरित रोजगारीलाई सरकारको प्राथमिकता: मन्त्री चौधरी

कृषि, वन तथा वातावरण मन्त्री गीता चौधरीले सरकारले सामुदायिक वनमा आधारित उद्यमशीलता र हरित रोजगारी सिर्जनालाई प्राथमिकता दिइरहेको बताउनुभएको छ। सामुदायिक वन दिवसको अवसरमा ललितपुरमा आयोजित कार्यक्रममा बोल्दै उहाँले राष्ट्रिय समृद्धि र स्थानीय जीविकोपार्जन सुधारका लागि सामुदायिक वन महत्त्वपूर्ण रहेकोमा जोड दिनुभयो। मन्त्री चौधरीले हरित अर्थतन्त्रलाई मजबुत बनाउन वन पैदावारको प्रशोधन र बजारीकरणको आवश्यकतामा समेत जोड दिनुभयो।