विभिन्न जिल्लामा आकस्मिक बाढी र गेग्रान बहावको चेतावनी, उच्च सतर्कता अपनाउन आग्रह

अविरल वर्षाका कारण देशका विभिन्न नदी, खोलानाला र तटीय क्षेत्रमा आकस्मिक बाढी तथा गेग्रान बहावको जोखिम बढेको भन्दै बाढी पूर्वानुमान महाशाखाले उच्च सतर्कता अपनाउन आग्रह गरेको छ। आगामी तीन दिनसम्म प्रमुख नदीहरूमा जलसतह उल्लेख्य रूपमा बढ्ने र पाँच जिल्लामा बाढीको उच्च जोखिम रहने महाशाखाको पूर्वानुमान छ। नदी तटीय क्षेत्रका बासिन्दालाई आज रातिदेखि नै विशेष सावधानी अपनाउन सूचित गरिएको छ।