राष्ट्रियसभाद्वारा संक्रामक पशु रोग नियन्त्रण विधेयकमाथि विचार गर्ने प्रस्ताव स्वीकृत

राष्ट्रियसभाले ‘संक्रामक पशु रोग (नियन्त्रण) विधेयक, २०८३ माथि विचार गरियोस्’ भन्ने प्रस्ताव सर्वसम्मतिले स्वीकृत गरेको छ। बुधबार बसेको बैठकमा कृषि, वन तथा पर्यावरणमन्त्री गीता चौधरीले उक्त प्रस्ताव प्रस्तुत गर्नुभएको थियो। नेपालमा पशुपन्छी तथा मत्स्य क्षेत्रमा देखिने महामारीजन्य रोगहरू नियन्त्रण गर्ने उद्देश्यले यो विधेयक ल्याइएको हो। प्रस्तावमाथिको छलफलमा प्रेमप्रसाद दङ्गाल र युवराज शर्मा लगायतका सांसदहरूले भाग लिनुभएको थियो।