थाइल्यान्डबाट ल्याइएको १८ किलो गाँजासहित दुई भारतीय नागरिक विमानस्थलबाट पक्राउ

त्रिभुवन अन्तर्राष्ट्रिय विमानस्थलमा १८ किलो गाँजासहित दुई जना भारतीय नागरिक पक्राउ परेका छन्। थाइल्याण्डको बैंककबाट हङकङ ट्रान्जिट हुँदै काठमाडौँ आइपुगेका उनीहरूलाई मंगलबार राति प्रहरीले नियन्त्रणमा लिएको हो। विमानस्थलमा आफ्नो लगेज छाडेर भाग्न खोज्दा जाँचका क्रममा उक्त परिमाणको गाँजा फेला परेको थियो।

थाइल्यान्डबाट १८ किलो गाँजा तस्करी गरी नेपाल ल्याएको आरोपमा प्रहरीले त्रिभुवन अन्तर्राष्ट्रिय विमानस्थलबाट दुई भारतीय नागरिकलाई पक्राउ गरेको छ। पक्राउ पर्नेमा ३६ वर्षीय सञ्जीव कुमार र २६ वर्षीय रवि कुमार रहेका छन्, जो बैंककबाट हङकङ हुँदै काठमाडौं आइपुगेका थिए। लागुऔषध नियन्त्रण ब्युरोको टोलीले मंगलबार राति उनीहरूलाई नियन्त्रणमा लिएको हो। उनीहरूले विमानस्थलमा गाँजा भरिएको लगेज छाडेर भाग्ने योजना बनाएको प्रहरीले जनाएको छ।