गजेन्द्रनारायण सिंह अस्पतालको सेवा विस्तार र नयाँ भवन हस्तान्तरण गर्न मन्त्री मेहताको निर्देशन

सङ्घीय स्वास्थ्य तथा खाद्य स्वच्छतामन्त्री निशा मेहताले सप्तरीको राजविराजस्थित गजेन्द्रनारायण सिंह अस्पतालको निरीक्षण गरी पूर्वाधार समस्या समाधान गर्न निर्देशन दिनुभएको छ। अस्पतालमा सघन उपचार कक्ष र भेन्टिलेटर जडानका लागि ठाउँ अभाव देखिएकाले निर्माणाधीन नयाँ भवन भदौभित्रै हस्तान्तरण गर्न उहाँले सम्बन्धित निकायलाई आग्रह गर्नुभयो। मन्त्री मेहताले अस्पताललाई तत्काल एक सय शय्यामा विस्तार गर्ने र विशेषज्ञ चिकित्सकहरूको व्यवस्था गर्ने प्रतिबद्धता समेत व्यक्त गर्नुभएको छ।