ललितपुर महानगरपालिकाद्वारा चिकित्सकसहितको एम्बुलेन्स सेवा सुरु

ललितपुर महानगरपालिकाले बिरामीहरूलाई तत्काल स्वास्थ्य सेवा उपलब्ध गराउन चिकित्सक र स्वास्थ्यकर्मीसहितको एम्बुलेन्स सेवा सुरु गरेको छ। भेन्टिलेटर, अक्सिजन र आपतकालीन औषधिसहितका पाँचवटा एम्बुलेन्सहरूले फोन आएको १५ मिनेटभित्रै बिरामीको घरमा पुग्ने लक्ष्य राखेका छन्। बिरामीलाई अस्पताल पुर्‍याउनुअघि घरमै प्रारम्भिक उपचार प्रदान गर्ने उद्देश्यले यो सेवा सञ्चालनमा ल्याइएको हो।