ललितपुरको चक्रपथ खण्डमा स्मार्ट सडक बत्ती सञ्चालन, बालकुमारीदेखि बल्खुसम्म झिलिमिली

ललितपुर महानगरपालिकाले चक्रपथको ७.९ किलोमिटर खण्डमा अत्याधुनिक स्मार्ट सडक बत्ती सञ्चालनमा ल्याएको छ। बालकुमारी पुलदेखि बल्खु र सानेपासम्म जडान गरिएका यी बत्तीहरूको बुधबार साँझ औपचारिक शुभारम्भ गरिएको हो। महानगर प्रमुख चिरिबाबु महर्जनका अनुसार यो परियोजनाले सहरी पूर्वाधार र सुरक्षामा सुधार ल्याउने लक्ष्य राखेको छ। बालकुमारी पुलबाट बटन दबाएर बत्तीहरूको उद्घाटन गरिएसँगै यस क्षेत्रको सडक झिलिमिली भएको छ।