कतारबाट फर्किएर म्याग्दीमा हाँसपालन गर्दै चिरञ्जीवी श्रेष्ठ

पर्वतको जलजला गाउँपालिका–८ फर्सेका चिरञ्जीवी श्रेष्ठले म्याग्दीमा व्यावसायिक हाँसपालन सुरु गरेर सफलता प्राप्त गरेका छन्। १० वर्ष कतारमा रोजगारी र ११ वर्ष बागलुङ बजारमा तरकारी व्यवसाय गरेपछि उनी अहिले कृषि कर्ममा रमाएका हुन्। सहर र विदेशको मोह त्यागेर गाउँ फर्किएका श्रेष्ठको यो यात्रा स्थानीय युवाहरूका लागि प्रेरणाको स्रोत बनेको छ। उनले आफ्नै भूमिमा पसिना बगाएर आत्मनिर्भर बन्न सकिने उदाहरण प्रस्तुत गरेका छन्।