नेपाली विद्यार्थीहरूलाई सहयोग गर्न बुढानीलकण्ठमा एनएसओ चाइनाको सम्पर्क कार्यालय उद्घाटन

नेपाल र चीनमा रहेका नेपाली विद्यार्थी तथा युवाहरूबीच समन्वय र सहकार्य बढाउने उद्देश्यले काठमाडौंको बुढानीलकण्ठमा एनएसओ चाइनाको सम्पर्क कार्यालय उद्घाटन गरिएको छ। यस कार्यालयले चीनमा अध्ययन गर्न जाने र त्यहाँ अध्ययनरत विद्यार्थीहरूका संगठनात्मक गतिविधिलाई थप व्यवस्थित बनाउने लक्ष्य राखेको छ। उद्घाटन कार्यक्रममा एनएसओ चाइनाका संस्थापक अध्यक्ष मनोज भट्टले विद्यार्थीहरूबीचको आपसी सहयोग र प्रभावकारी समन्वयमा जोड दिनुभयो।