विश्वका ४० प्रतिशत स्वास्थ्य संस्थामा मात्र आधारभूत सरसफाइको पहुँच

विश्व स्वास्थ्य सङ्गठन (डब्लुएचओ) र युनिसेफले सार्वजनिक गरेको संयुक्त प्रतिवेदन अनुसार विश्वका १० मध्ये चारवटा स्वास्थ्य संस्थाले मात्र बिरामी र स्वास्थ्यकर्मीका लागि आवश्यक आधारभूत सरसफाइ मापदण्ड पूरा गरेका छन्। प्रतिवेदनले विश्वभरका स्वास्थ्य संस्थाहरूमा सरसफाइ पूर्वाधारको ठूलो अभाव रहेको देखाएको छ। स्वास्थ्य संस्थाहरूमा संक्रमण रोकथाम र सुरक्षा सुनिश्चित गर्न खानेपानी तथा सरसफाइ सेवामा सुधार गर्नुपर्ने आवश्यकतामा प्रतिवेदनले जोड दिएको छ।