चितवनमा गत आर्थिक वर्षमा ६९ वन्यजन्तुको उद्धार, ४५ वटा अजिङ्गर फेला

चितवनस्थित डिभिजन वन कार्यालयले गत आर्थिक वर्षमा चराचुरुङ्गी र सरीसृपसहित कुल ६९ वटा वन्यजन्तुको उद्धार गरेको छ। उद्धार गरिएका वन्यजन्तुमध्ये सबैभन्दा बढी ४५ वटा अजिङ्गर रहेका छन्, जसलाई मानव बस्तीबाट नियन्त्रणमा लिइएको थियो। कार्यालय प्रमुख विष्णुप्रसाद आचार्यका अनुसार उद्धार गरिएका यी जीवजन्तुलाई सुरक्षित रूपमा उनीहरूको प्राकृतिक बासस्थानमा छाडिएको छ। बस्तीमा पसेर स्थानीयमा त्रास फैलाएका वन्यजन्तुलाई व्यवस्थापन गर्न यो उद्धार कार्य गरिएको हो।