बाजुराको ताम्सु गाउँमा जमिन चिरा परेपछि स्थानीय बासिन्दा त्रसित

बाजुराको त्रिवेणी नगरपालिका–९ ताम्सु गाउँमा जमिन चिरा परेपछि स्थानीय बासिन्दाहरू पहिरोको जोखिमले त्रसित बनेका छन्। स्थानीय टेक थापाका अनुसार जमिन फाट्दै गएकाले कतिबेला घर पुरिने हो भन्ने डरले गाउँलेहरू सुरक्षित बासको पर्खाइमा रहेका छन्। जमिनमा देखिएका ठूला चिराका कारण सिङ्गो गाउँ नै जोखिममा परेपछि उनीहरूले सरकारसँग सुरक्षित स्थानमा स्थानान्तरणको माग गरेका छन्।