बाजुराको गौमुल गाउँपालिकामा १० शय्याको आधारभूत अस्पताल सञ्चालनमा

बाजुराको गौमुल गाउँपालिका-२ मालिवनमा नवनिर्मित १० शय्याको आधारभूत अस्पताल सञ्चालनमा आएको छ। गाउँपालिका अध्यक्ष हरिबहादुर रोकायाले उद्घाटन गर्नुभएको यो अस्पताल भवन १३ करोड ८४ लाख ९१ हजार रुपैयाँको लागतमा निर्माण सम्पन्न भएको हो। अस्पतालमा भवन र उपकरणको व्यवस्था भए तापनि उपचारका लागि आवश्यक चिकित्सकको अभाव मुख्य चुनौतीको रूपमा रहेको छ।