कान्ती लोकपथको लेनडाँडामा ट्रक दुर्घटना, सडकबाट १०० मिटर तल खस्यो

मकवानपुरको मकवानपुरगढी गाउँपालिका-१ स्थित लेनडाँडामा एउटा मालबाहक ट्रक सडकबाट करिब १०० मिटर तल भिरमा खसेर दुर्घटना भएको छ। रौतहटको चन्द्रपुरबाट ह्युमपाइप बोकेर तराई मधेश द्रुतमार्गको महादेवटारतर्फ जाँदै गरेको ना १ क ८५३६ नम्बरको ट्रक ब्रेक फेल भएर दुर्घटनामा परेको प्रहरीले जनाएको छ। कान्ती लोकपथ सडकखण्डको घुम्तीमा भएको उक्त दुर्घटनामा रौतहटका चालक संलग्न रहेका थिए।