काठमाडौँका निजी होस्टेललाई २१ बुँदे निर्देशन, एक महिनाभित्र मापदण्ड पूरा गर्नुपर्ने

जिल्ला प्रशासन कार्यालय काठमाडौँले निजी छात्रबास (होस्टेल) हरूलाई व्यवस्थित र सुरक्षित बनाउन २१ बुँदे कडा निर्देशन जारी गरेको छ। सहायक प्रमुख जिल्ला अधिकारी खिमराज भुसालद्वारा जारी सूचना अनुसार होस्टेलहरूले एक महिनाभित्र तोकिएको मापदण्ड पूरा गर्नुपर्नेछ र २४सै घण्टा वार्डन तथा सुरक्षाकर्मीको व्यवस्था गर्नुपर्नेछ। होस्टेलमा अस्वस्थकर खाना, सुरक्षा कमजोरी र लागुऔषध दुर्व्यवहार जस्ता समस्या बढेको गुनासो आएपछि प्रशासनले यो कदम चालेको हो।