सुकुम्वासीका समस्या सुन्न मन्त्री प्रतिभा रावल सुदूरपश्चिम जाने

भूमि व्यवस्था, सहकारी तथा सामान्य प्रशासन मन्त्री प्रतिभा रावल भदौ ६ गतेदेखि सुदूरपश्चिम प्रदेशका विभिन्न जिल्लाको भ्रमणमा जाने हुनुभएको छ। भ्रमणका क्रममा उहाँले कञ्चनपुर र कैलाली लगायतका जिल्लामा पुगेर भूमिहीन तथा सुकुम्वासी नागरिकका समस्या र सहकारी क्षेत्रका चुनौतीबारे सरोकारवालासँग छलफल गर्नुहुनेछ। मन्त्री रावलले आफ्नो मन्त्रालयसँग सम्बन्धित जनगुनासोहरू प्रत्यक्ष रूपमा सुन्नका लागि यो भ्रमण गर्न लाग्नुभएको हो।