काष्ठमण्डपमा नयाँ मूर्ति हटाउनु नपर्ने सर्वोच्च अदालतको फैसला

सर्वोच्च अदालतले काष्ठमण्डपमा प्रतिस्थापन गरिएका गुरु गोरखनाथ र चार गणेशका नयाँ मूर्तिहरू हटाउनु नपर्ने फैसला सुनाएको छ। न्यायाधीशद्वय हरिप्रसाद फुँयाल र महेश शर्मा पौडेलको संयुक्त इजलासले भूकम्पमा क्षति पुगेका पुराना मूर्ति फेरबदल गरिएको विषयमा परेको रिट खारेज गरेको हो। अदालतले हनुमानढोकामा सुरक्षित राखिएका पुराना मूर्तिहरूलाई वैज्ञानिक प्रविधि अपनाई संरक्षण गर्न र तिनको ऐतिहासिक विवरणसहितको डिजिटल अभिलेख तयार पार्न नौ बुँदे निर्देशनात्मक आदेश समेत जारी गरेको छ।