विश्व हाप्किडो च्याम्पियनसिपमा नेपाललाई एक स्वर्ण र एक कांस्य पदक

दक्षिण कोरियामा आयोजित ११औँ विश्व हाप्किडो च्याम्पियनसिप–२०२६ मा नेपाली खेलाडीहरूले एक स्वर्ण र एक कांस्य पदक जितेका छन्। प्रतियोगिताको फाइट क्योरुगी विधा अन्तर्गत पुरुष ८०–८४ केजी तौल समूहमा दीपक छन्त्यालले स्वर्ण पदक जितेका हुन्। सोही प्रतियोगितामा मेग्मा गुरुङले नेपालका लागि कांस्य पदक प्राप्त गरिन्। दीपकले लगातार तीन खेल जित्दै स्वर्ण हात पारेका हुन् भने मेग्माले यसअघिको संस्करणमा रजत पदक जितेकी थिइन्।