जनप्रतिनिधिले व्यक्तिगत स्वार्थ त्यागेर देश र जनताको हितमा लाग्नुपर्छ: अध्यक्ष बिजुक्छे

नेपाल मजदुर किसान पार्टीका अध्यक्ष नारायणमान बिजुक्छेले जनप्रतिनिधिहरूले व्यक्तिगत स्वार्थभन्दा माथि उठेर देश र जनताको हितलाई प्राथमिकता दिनुपर्ने बताउनुभएको छ। भक्तपुर नगरपालिकाद्वारा आयोजित ‘सञ्चारमाध्यममा भक्तपुर नपा’ र ‘सञ्चारमाध्यममा भक्तपुर नपा–२’ पुस्तक परिचर्चा तथा लेखक र सञ्चारकर्मीलाई धन्यवाद दिने कार्यक्रममा उहाँले सो विचार व्यक्त गर्नुभएको हो। अध्यक्ष बिजुक्छेले सत्तामा रहेका नेताहरू जनताको भावना र आवश्यकताप्रति जिम्मेवार हुनुपर्नेमा जोड दिनुभयो।