जबरजस्ती करणी मुद्दाका फरार प्रतिवादी बिमल राजवंशी ओमानबाट पक्राउ

जबरजस्ती करणी र विद्युतीय कारोबार ऐन अन्तर्गतको कसुरमा फरार रहेका झापा बिर्तामोड नगरपालिका-३ का बिमल राजवंशी ओमानबाट पक्राउ परेका छन्। इन्टरपोलबाट रेड नोटिस जारी भएका उनलाई एनसिबि मस्कट र एनसिबि काठमाडौंको समन्वयमा पक्राउ गरी आइतबार नेपाल ल्याइएको हो। उनलाई सम्बन्धित मुद्दामा आवश्यक कानुनी कारबाहीका लागि नेपाल प्रहरीको जिम्मा लगाइएको छ।