नक्कली शैक्षिक प्रमाणपत्र पेस गरेको आरोपमा बालविकास सहजकर्ता विरुद्ध मुद्दा दायर

अख्तियार दुरुपयोग अनुसन्धान आयोगले डडेल्धुराको आलिताल गाउँपालिका–५ स्थित श्री भगवती प्राथमिक विद्यालयकी बालविकास सहजकर्ता मन्जु देवी बोहराविरुद्ध विशेष अदालतमा भ्रष्टाचार मुद्दा दायर गरेको छ। बोहराले भारतको उत्तर प्रदेशबाट जारी भएको नक्कली शैक्षिक प्रमाणपत्र पेस गरी नियुक्ति लिएको पुष्टि भएपछि आयोगले कारबाही प्रक्रिया अगाडि बढाएको हो। नक्कली प्रमाणपत्रका आधारमा जागिर खाएको आरोपमा उनीमाथि आरोपपत्र दायर गरिएको आयोगले जनाएको छ।