ललितपुरको पाटनमा भारतीय सहयोगमा निर्मित कुमारी छेँ र नयाँ कुमारी निवासको उद्घाटन

ललितपुरको पाटनमा पुनर्निर्माण गरिएको सांस्कृतिक सम्पदा स्थल कुमारी छेँ र नयाँ कुमारी निवासको सोमबार उद्घाटन गरिएको छ। नेपालका लागि भारतीय राजदूत नवीन श्रीवास्तव, प्रतिनिधिसभा सदस्य जगदीश खरेल र ललितपुर महानगरपालिकाका प्रमुख चिरीबाबु महर्जनले संयुक्त रूपमा यी सम्पदाहरूको उद्घाटन गर्नुभयो। भारत सरकारको आर्थिक सहयोगमा यी संरचनाहरूको पुनर्निर्माण सम्पन्न भएको हो। उद्घाटन समारोहमा केन्द्रीय आयोजना कार्यान्वयन एकाइका अधिकारीहरू र स्थानीय समुदायको उपस्थिति रहेको थियो।