भोटेकोशी र रसुवाका बाढी पीडितलाई एमालेद्वारा १ करोड २० लाख सहयोगको घोषणा

नेकपा (एमाले) का अध्यक्ष केपी शर्मा ओलीले भोटेकोशी र रसुवाका बाढी तथा पहिरो पीडितको उद्धार र पुनर्स्थापनाका लागि पार्टीको तर्फबाट १ करोड २० लाख रुपैयाँ सहयोग गर्ने घोषणा गर्नुभएको छ। काठमाडौंमा आयोजित एक कार्यक्रममा एमालेको बागमती प्रदेश र राजधानी प्रदेश कमिटीले १०-१० लाख रुपैयाँ पार्टी कोषमा हस्तान्तरण गरेका छन्। सो अवसरमा अध्यक्ष ओलीले सरकारी कोषमा रकम भए पनि पीडितहरूले राहत नपाएर भोकै बस्नुपरेको भन्दै सरकारको आलोचना गर्नुभयो।