कचनकवल गाउँपालिकाद्वारा प्रधानमन्त्री दैवी प्रकोप उद्धार कोषमा २९ लाख रुपैयाँ सहयोग

झापाको कचनकवल गाउँपालिकाले रसुवाका बाढी पीडितको सहयोगार्थ प्रधानमन्त्री दैवी प्रकोप उद्धार कोषमा २९ लाख ६ हजार १०० रुपैयाँ जम्मा गर्ने निर्णय गरेको छ। प्रमुख प्रशासकीय अधिकृत स्काइ पोखरेलका अनुसार गाउँपालिकाका जनप्रतिनिधि, कर्मचारी, स्वास्थ्यकर्मी र सामुदायिक विद्यालयका शिक्षकहरूबाट सो रकम संकलन गरिएको हो। बाढीबाट प्रभावित भएकाहरूलाई राहत पुऱ्याउने उद्देश्यले यो रकम एकमुष्ट रूपमा कोषमा दाखिला गरिएको छ।