जलवायु संकटको मूल्य नेपालले किन चुकाउने भन्दै एमाले नेता निरज आचार्यको प्रश्न

नेकपा (एमाले) प्रचार विभाग प्रमुख निरज आचार्यले विश्वव्यापी हरितगृह ग्यास उत्सर्जनमा नेपालको हिस्सा मात्र ०.०२७ प्रतिशत भए पनि नेपाली नागरिकले जलवायु संकटको कठोर असर भोगिरहेको बताएका छन्। सामाजिक सञ्जालमार्फत आफ्नो धारणा राख्दै उनले हिमाली क्षेत्रमा बढ्दो विपद् जोखिमलाई अब बेवास्ता गर्न नसकिने उल्लेख गरे। आचार्यले नेपाल जलवायु संकटको प्रमुख कारण नभएको भन्दै यसको मूल्य नेपालीले किन चुकाउने भनी प्रश्न गरेका छन्।