भोटेकोशी बाढीपीडितका लागि अनेरास्ववियु रूपन्देहीद्वारा १० लाख बराबरको राहत सामग्री सहयोग

भोटेकोशी बाढीबाट प्रभावित नागरिकका लागि अनेरास्ववियु रूपन्देहीले करिब १० लाख रुपैयाँ बराबरको राहत सामग्री रसुवागढीतर्फ पठाएको छ। अनेरास्ववियु रूपन्देहीका अध्यक्ष अर्जुन गैरेको नेतृत्वमा सचिव सरोज खनाल, पूर्ण रोका र बुटवल बहुमुखी क्याम्पस कमिटीका अध्यक्ष शशाङ्क बस्यालसहितको टोली शुक्रबार राहत लिएर प्रस्थान गरेको हो। राहत सामग्रीमा खाद्यान्न, लत्ताकपडा, सरसफाइ र स्वास्थ्यसम्बन्धी सामग्रीहरू समावेश छन्। रसुवाको बाढी प्रभावित परिवारलाई तत्काल सहयोग पुऱ्याउने उद्देश्यले यो राहत संकलन गरिएको हो।