नेपाल भलिबल लिगको फाइनल प्रवेशका लागि काठमाडौं रेड्स र कर्णाली शिवराज भिड्दै

नेपाल भलिबल लिग (एनभीएल) मा कर्णाली शिवराजले खप्तड फाल्कन्सलाई सोझो सेटमा पराजित गर्दै लगातार दोस्रो जित दर्ता गरेको छ। त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा भएको खेलमा कर्णालीले तीनवटै सेट २५-१९ को समान अन्तरले जितेको हो। यसअघि पहिलो खेलमा अन्नपूर्णलाई हराएको कर्णालीले आफ्नो लय कायम राख्दा खप्तड फाल्कन्सले भने लगातार दोस्रो हार बेहोरेको छ।

त्रिपुरेश्वरस्थित राष्ट्रिय खेलकुद परिषद्को कभर्डहलमा भएको नेपाल भलिबल लिग (एनभीएल) को खेलमा काठमाडौँ रेड्सले कर्णाली शिवराजलाई ३-१ को सेटमा पराजित गरेको छ। यसअघि लगातार तीन खेल जितेको कर्णाली शिवराजको यो प्रतियोगितामा पहिलो हार हो। काठमाडौँले यस जितसँगै प्लेअफमा पुग्ने आफ्नो सम्भावनालाई बलियो बनाएको छ भने कर्णालीको अपराजित यात्रामा पूर्णविराम लागेको छ।

पहिलो संस्करणको नेपाल भलिबल लिग (एनभीएल) को फाइनल प्रवेशका लागि आज काठमाडौं रेड्स र कर्णाली शिवराजबीच प्रतिस्पर्धा हुँदैछ। त्रिपुरेश्वरस्थित राष्ट्रिय खेलकुद परिषद्को कभर्डहलमा हुने यस खेलमा दुवै टोली जित निकाल्दै फाइनल पुग्ने दाउमा छन्। लिग चरणका पाँच खेलमध्ये चार खेलमा जित निकाल्दै दुवै टोलीले प्लेअफमा स्थान सुरक्षित गरेका हुन्। यसअघि कर्णालीले मधेश वारियर्सलाई पराजित गर्दै प्लेअफ यात्रा तय गरेको थियो भने काठमाडौंले कर्णालीको अपराजित यात्रालाई पूर्णविराम लगाएको थियो।